आखिल भारतीय मराठी साहित्य महामंडळाच्या ९९व्या अखिल भारतीय मराठी साहित्य संमेलनाची तयारी पूर्ण झाली असून आजपासून सारस्वत आणि साहित्यप्रेमींच्या स्वागतासाठी सज्ज झाली आहे. तब्बल ३३ वर्षांनंतर साताऱ्यात साहित्यिकांचा आनंदमेळा भरत असल्याने सातारकरांमध्ये मोठा उत्साह पाहायला मिळत आहे.

शतकाकडे वाटचाल करणारे हे संमेलन नवीन संकल्पना आणि आधुनिक मांडणीसह होत असून मराठी साहित्याच्या इतिहासात नवे पान जोडणारे ठरणार आहे. नव्या रितीरिवाजांचे पडत, हे संमेलन अधिकाधिक दर्जेदार आणि संस्मरणीय व्हावे, यासाठी आयोजकांसह साताऱ्यातील प्रत्येक नागरिक चांगले प्रयत्न करत आहे. संमेलनात परंपरागत चवीचे भोजन साहित्यिकांचे करणार आहे. विशेष निमंत्रित साहित्यिकांची खास ठेवण्यात आली असून, त्यांना चांदीच्या ताटात भोजन देत मराठ्यांच्या राजधानीत गोड कौतुक केले जाणार आहे.

ना. शिवेंद्रराजे भोसले, स्वागताध्यक्ष काय म्हणाले – ”मराठ्यांची राजधानी असलेल्या ऐतिहासिक सातारा नगरीत साहित्यिक आणि साहित्यप्रेमी यांचे संमेलनाचा स्वागताध्यक्ष या नात्याने स्वागत करतो. या संमेलनाकडे महाराष्ट्रासह संपूर्ण सातारा जिल्ह्याचे तसेच साहित्य प्रेमींचे लक्ष लागलेले आहे साताऱ्याच्या नावलौकिकाला साजेसे असे यंदाचे संमेलन होईल, असा विश्वास आहे”.

कार्यक्रम रूपरेषा : –

गुरुवारी पहिला दिवस :- (ध्वजारोहण,ग्रंथप्रदर्शन,काविकट्टा,गझलकट्टा,प्रकाशनकट्टा ) शुक्रवार दुसरा दिवस :- (उत्सव शब्दांचा ,उद्घाटन समारंभ ,कविसंमेलन,संवाद बाल-कुमार वाचकांशी,नाटक -शिकायला गेलो एक) शनिवार तिसरा दिवस :- (कथाकथन,साहित्य विचारमंथन पर्व,पुस्तक चर्चा ,हास्य जत्रा) रविवार चौथा दिवस :- (स्मरणीय सांगता सोहळा,पुस्तक चर्चा,कविसंमेलन-२,संवाद लक्षवेधी कांदबरीकारांशी ,समारोप, फोक आख्यान)

तर सातारकर मोठ्या संख्येने सामील व्हा,आणि हो सर्वाना प्रवेश फ्री आहे.

९९वे अखिल भारतीय मराठी साहित्य संमेलन सातारा शहरातील शाहू स्टेडियम येथे १ ते ४ जानेवारी २०२६ या कालावधीत अत्यंत भव्यदिव्य पद्धतीने आयोजित करण्यात आहेत. महाराष्ट्र साहित्य परिषद, पुणे शाखा शाहूपुरी
आणि मावळा फाऊंडेशन यांच्या संयुक्त विद्यमाने हे संमेलन होत असून या चार दिवसांत साहित्यिक, वैचारिक आणि सांस्कृतिक कार्यक्रमांची मोठी कुंभमेळा रसिकप्रेकक्षकांसाठी असणार आहे.

संमेलनाचं उद्घाटन ज्येष्ठ लेखिका डॉ. मृदुला गर्ग यांच्या हस्ते तर समारोप ज्ञानपीठ पुरस्कार विजेते ज्येष्ठ लेखक रघुवीर चौधरी यांच्या प्रमुख उपस्थितीत होणार आहे.गुरुवार, १ जानेवारी रोजी दुपारी ३ वाजता अखिल भारतीय साहित्य महामंडळाचे अध्यक्ष प्रा. मिलिंद जोशी यांच्या हस्ते ध्वजारोहणाने संमेलनाचा शुभारंभ होणार आहे. सायंकाळी ४ वाजून ३० मिनिटांनी सातारा शहरातून भव्य ग्रंथदिंडी निघणार असूनयावेळी जिल्हाधिकारी संतोष पाटील,पोलीस अधीक्षक तुषार दोशी, जिल्हा परिषदेच्या मुख्य कार्यकारी अधिकारी आणि नगराध्यक्ष अमोल मोहिते यांची उपस्थिती असणार आहे.

शुक्रवार, २ जानेवारी रोजी सकाळी ११ वाजता मंडप क्रमांक १ येथे ज्येष्ठ लेखिका डॉ. मृदुला गर्ग यांच्या हस्ते संमेलनाचे औपचारिक उद्घाटन होईल. यावेळी मुख्यमंत्री देवेंद्र फडणवीस, मंत्री उदय सामंत, स्वागताध्यक्ष शिवेंद्रराजे भोसले, खासदार उदयनराजे भोसले, उद्योजक फरोख कुपर यांच्यासह अनेक मान्यवर उपस्थित राहणार आहे. रात्री ८ वाजता प्रशांत दामले अभिनित आणि गौरी थिएटर्स निर्मित ‘शिकायला गेलो एक’ हे नाटक रसिकांचे विशेष आकर्षण ठरणार आहे.

शनिवार, ३ जानेवारी रोजी सकाळी कथाकथन,दुपारी साहित्य अकादमी पुरस्कारप्राप्त अनुराधा पाटील यांची विशेष मुलाखत, त्यानंतर ज्येष्ठ लेखक आणि प्रकाशकांचा सन्मान सोहळा उपमुख्यमंत्री अजित पवार यांच्या हस्ते होणार आहे. सायंकाळी ‘आजच्या मराठी समाजाची विचारभ्रष्टता’
या विषयावर परिसंवाद आणि रात्री लोकप्रिय ‘हास्यजत्रा’ कलाकारांचा धमाल कार्यक्रम रंगणार आहे.

रविवार, ४ जानेवारी रोजी ‘अन्न हे अपूर्णब्रह्म’ या पुस्तकावर चर्चा, त्यानंतर ज्येष्ठ पत्रकार गिरीश कुबेर यांचा विशेष संवाद,दुपारी कविसंमेलन आणि विविध विषयांवरील परिसंवाद होणार आहेत. दुपारी ४ वाजून ३० मिनिटांनी संमेलनाचा भव्य समारोप होणार असून उपमुख्यमंत्री एकनाथ शिंदे, पालकमंत्री शंभूराज देसाई, मंत्री उदय सामंत,भरत गोगावले
आणि ज्ञानपीठ पुरस्कार विजेते रघुवीर चौधरी यांची प्रमुख उपस्थिती होणार असल्याची माहिती मिळाली आहे.

रात्री ९ वाजता लोकसंस्कृतीची झलक दाखवणारा……
‘फोक अख्यान’ हा कार्यक्रम संमेलनाची सांगता अधिक अविस्मरणीय होणार आहे.