जगात सर्वप्रथम ‘इथे’ झाले नववर्षाचे आगमन!

३१ डिसेंबरच्या मध्यरात्री जगभर नवीन वर्षाचे जल्लोषात स्वागत केले जाते. मात्र हे स्वागत सर्वत्र एकाच वेळी होत नाही. पृथ्वीचे फिरणे आणि आंतरराष्ट्रीय तारीख रेषा यांमुळे नवीन वर्षाचा क्षण जगभर टप्प्याटप्प्याने जवळपास २६ तासांत येतो. या नववर्षाच्या उलटसुलट प्रवासाची सुरुवात होते प्रशांत महासागरातील किरिबाती देशातून.

किरिबातीमधील किरितीमाती (Christmas Island)
आंतरराष्ट्रीय तारीख रेषेजवळ असलेल्या या बेटावर ३१ डिसेंबरची मध्यरात्र जगात सर्वांत आधी होते. दूरवरच्या या बेटावर स्थानिक नागरिक पारंपरिक पद्धतीने, शांत आणि साध्या वातावरणात नववर्षाचे स्वागत करतात. जगभरातील देशांसाठी हा क्षण नववर्षाच्या सुरुवातीचे प्रतीक मानला जातो.

किरिबातीपासून सुरू झालेला हा नववर्षाचा प्रवास हळूहळू आशिया, युरोप, आफ्रिका आणि अखेर अमेरिकेपर्यंत पोहोचतो.

जगात सर्वप्रथम उगवलेले नववर्ष — तेही प्रशांत महासागरातील एका छोट्या बेटावर!

महाबळेश्वरमध्ये थंडीने अक्षरशः कडाक्याचा जोर धरला आहे. तापमानाचा पारा खूप मोठ्या प्रमाणात घसरल्यामुळे
वेण्णा लेक परिसरात उभ्या असलेल्या गाड्यांच्या छतांवर हिमकण गोठल्याचे पाहायला मिळाले आहे.

आज सकाळी महाबळेश्वर शहरात तापमान १० अंश सेल्सिअस नोंदवले गेले,तर वेण्णा लेक आणि लिंगमळा परिसरात तापमान
८ अंश सेल्सिअसपर्यंत खाली घसरले. थंडीमुळे पहाटेच्या वेळेस संपूर्ण परिसरावर दाट धुक्याची चादर पसरलेली दिसून आली.

दरम्यान, नववर्षाच्या स्वागतासाठी मोठ्या संख्येने पर्यटक महाबळेश्वरमध्ये दाखल झाले असून, थंडी, धुके आणि हिमकणांचा अनुभव पर्यटकांसाठी विशेष आकर्षण ठरत आहे. विशेष म्हणजे, दोन वर्षांनंतर महाबळेश्वरमध्ये हिमकणांचे दर्शन पर्यटकांना मिळत असून, हा निसर्गरम्य अनुभव पर्यटकांनी कॅमेऱ्यात कैद केला आहे.

थंडीचा जोर वाढत असताना, प्रशासनाकडून नागरिकांना आणि पर्यटकांना
योग्य ती खबरदारी घेण्याचे आवाहन करण्यात आले आहे.

तर आपल्याकडे थंडीचे प्रमाण कसे आहे. हे नक्कीच सांगू शकता ?

काय मग मंडळी नवीन वर्षी कुठे? फिरायला जाण्याचा प्लान करत आहात. आपल्या सातारच्या मिनी काश्मीरला म्हणजेच महाबळेश्वरला फॅमिलीसोबत प्लान असेल तर नक्कीच हि माहिती तुमच्या साठी महत्वाची आहे. पाहूयात खालीलप्रमाणे महाबळेश्वर पर्यटन स्थळी थंडीची हुडहुडी सह पर्यटकांची रेलचेल वाढली, पर्यटकांसह, शालेय सहलीमुळे महाबळेश्वर मध्ये तोबा गर्दी.

सध्या नाताळ मुळे गुलाबी थंडी साठी प्रसिद्ध असलेले महाबळेश्वर पर्यटन स्थळ पर्यटकांच्या स्वागतासाठी सज्ज झाले आहे.पर्यटकांची देखील चांगलीच रेलचेल वाढले असून महाबळेश्वर, पाचगणी या वर्ल्ड हेरिटेज पर्यटन स्थळ हे पर्यटकांनी भरण्यास सुरुवात झाली आहे.

महाराष्ट्रातून नव्हे तर विविध राज्यांमधून लाखो पर्यटन या थंड हवेच्या निसर्गरम्य ठिकाणी भेट देत आहेत. सलग आलेल्या सुट्ट्यांमुळे आणि नववर्षाच्या स्वागतासाठी पर्यटक मिनी काश्मीर म्हणून ओळखल्या जाणाऱ्या महाबळेश्वर नगरीमध्ये येऊ लागले आहेत. आणि या गुलाबी थंडीचा आनंद घेऊ लागले आहेत. महाबळेश्वर मधील बाजारपेठा या गजबजल्या आहेत.

दरम्यान, महाबळेश्वरमधील वेण्णा लेक परिसरात पर्यटक नौकाविहाराचा आनंद घेताना दिसत आहेत.
एकूणच नाताळ–नववर्षाच्या सुट्ट्यांमुळे महाबळेश्वर पर्यटन हंगाम सध्या तेजीत असून पर्यटकांचा उत्साह वाढताना आपल्याला पाहायला मिळताना दिसत आहेत .