३१ डिसेंबर अलर्ट नवीन वर्षाच्या स्वागतासाठी जिल्हाभरात उत्साह असतानाच, कायदा व सुव्यवस्था अबाधित राखण्यासाठी सातारा जिल्हा पोलीस पूर्णपणे अलर्ट झाले आहेत. हुल्लडबाजी, मद्यधुंद वाहनचालक आणि गैरप्रकारांना आळा घालण्यासाठी सातारा जिल्ह्यात तब्बल २००० पोलिसांचा तगडा बंदोबस्त तैनात करण्यात आला आहे.
१ जानेवारीच्या पार्श्वभूमीवर सातारा जिल्हा पोलिसांनी विशेष नियोजन आखले आहे. पाचगणी, महाबळेश्वर, वाई, कास, बामणोली, तापोळा, मेढा, कोयनानगर या पर्यटनस्थळांवर विशेष पोलिस पथकांची तैनाती करण्यात येणार आहे. किल्ले, धरणे आणि संवेदनशील ठिकाणी अतिरिक्त बंदोबस्त ठेवण्यात येणार आहे.

जिल्ह्यातील सर्व पोलीस ठाण्यांच्या हद्दीत मुख्य रस्ते, चेकपोस्ट आणि जिल्ह्याच्या सीमांवर नाकाबंदी पॉईंट उभारण्यात येणार आहेत. मद्यपान करून वाहन चालवणाऱ्यांवर कठोर कारवाई करण्यासाठी प्रत्येक पोलीस ठाण्याला ब्रेथ अॅनालायझर मशीन देण्यात आले असून, यासाठी एकूण ३९ विशेष पथके कार्यरत राहणार आहेत.

प्रत्येक पोलीस ठाण्याच्या कार्यक्षेत्रात हॉटेल, लॉजेस आणि ढाबा तपासणी करण्यासाठी दोन-दोन पथके नेमण्यात आली आहेत. गर्दीच्या ठिकाणी महिलांची छेडछाड रोखण्यासाठी साध्या वेशातील पोलिसांचा वॉच ठेवण्यात आला असून, उपविभागनिहाय सात निर्भया पथके कार्यरत राहणार आहेत.

बंदोबस्त माहिती:
या काळात जिल्ह्यात ५ डीवायएसपी, ११ पोलिस निरीक्षक, ७० सहाय्यक पोलिस निरीक्षक व फौजदार, १२०० पोलिस अंमलदार आणि ७०० गृहरक्षक तैनात असतील. स्थानिक गुन्हे शाखेची सात विशेष पथके देखील सज्ज ठेवण्यात आली आहेत.

ध्वनी प्रदूषण:
मोठ्या आवाजात लाऊडस्पीकर लावणाऱ्यांवर पोलिसांचा कारवाईचा बडगा उगारला जाणार आहे. ध्वनी प्रदूषण नियमांचे उल्लंघन करणाऱ्यांवर कायदेशीर कारवाईसाठी जिल्ह्यात ३० ध्वनीमापक पथके कार्यरत राहणार आहेत.

नागरिकांनी नवीन वर्षाचा आनंद साजरा करताना नियमांचे पालन करावे, शांतता राखावी आणि कोणत्याही आपत्कालीन परिस्थितीत तात्काळ डायल ११२ वर संपर्क साधावा, असे आवाहन सातारा जिल्हा पोलिसांनी केले आहे.

जावली तालुक्यातील सावरी येथे मेफेड्रॉनचा साठा सापडल्याची घटना ताजी असतानाच, जगप्रसिद्ध पर्यटनस्थळ पाचगणी येथे कोकेन तस्करीचा गंभीर प्रकार उघडकीस आला आहे. पाचगणी पोलिस आणि स्थानिक गुन्हे शाखेने संयुक्त कारवाई करत.मुंबईतील १० जणांच्या टोळीला अटक केली असून, त्यांच्याकडून ५ लाख रुपये किमतीचा कोकेनसदृश अमली पदार्थ जप्त करण्यात आला आहे.

या कारवाईत दोन चारचाकी वाहने, मोबाईल हँडसेट व इतर साहित्यांसह एकूण ४२ लाख ८५ हजार रुपयांचा मुद्देमाल हस्तगत करण्यात आला आहे.घोडजाई मंदिर परिसरात कोकेन विक्री होणार असल्याची माहिती मिळाल्यानंतर पहाटे सापळा रचून स्कोडा रॅपिड आणि एमजी हेक्टर या वाहनांची तपासणी करण्यात आली, त्यामधून कोकेन आढळून आले.

पर्यटननगरी पाचगणीला ड्रग्जचा डंख लागल्याने हॉटेल्स व बारवर कडक तपासणीची गरज निर्माण झाली आहे.या प्रकरणात मोहम्मद नावेद सलीम परमार,सोहेल हशद खान,मोहम्मद ओएस रिजवान अन्सारी, वासिल हमीद खान, मोहम्मद साहिल अन्सारी, जिशान इरफान शेख,सैफ अली कुरेशी,मोहम्मद उबेद सिद्दीकी,अली अजगर सादिक राजकोटवाला आणि रहीद मुख्तार शेख (सर्व रा. मुंबई) यांना अटक करण्यात आली आहे.अटक केलेले सर्व संशयित मुंबईतील रहिवासी असूनत्यांच्याविरोधात पाचगणी पोलिस ठाण्यात एनडीपीएस कायद्यान्वये गुन्हा दाखल करण्यात आला आहे. यातील एक संशयित रेकॉर्डवरील गुन्हेगार असल्याची माहिती पोलिसांनी दिली आहे.

दरम्यान, संशयित पाचगणीत कोणाला कोकेन विकण्यासाठी आले होते? खरेदीदार कोण आहे? आणि कधीपासून हा अवैध व्यवसाय सुरू होता? याचा सखोल तपास पोलिसांकडून सुरू आहे. यातील मोहम्मद परमार हा रेकॉर्डवरील गुन्हेगार असल्याची माहिती पोलिसांनी दिली आहे.पाचगणीत कोणाला कोकेन विकण्यासाठी आले होते? खरेदीदार कोण आहे? आणि कधीपासून पाचगणीत ड्रग्जची वारी सुरू होती? याचा तपास पोलिसांकडून सुरू आहे.

जगप्रसिद्ध पर्यटनस्थळ पाचगणी येथे कोकेन तस्करीचा पर्दाफाश!
मुंबईतील १० जणांच्या टोळीला अटक करत
५ लाखांचे कोकेनसदृश अमली पदार्थ
दोन चारचाकी वाहनांसह
एकूण ४२.८५ लाखांचा मुद्देमाल जप्त

जगप्रसिद्ध पर्यटनस्थळालाही आता ड्रग्जचा डंख लागल्याने, पाचगणीतील हॉटेल्स, बार आणि पर्यटनस्थळांवर कडक तपासणीची गरज निर्माण झाली आहे. पाचगणी पोलिस ठाण्यात संशयितांविरोधात एनडीपीएस कायद्यान्वये गुन्हा दाखल करण्यात आला आहे.