सातारा : श्रीमंत महाराजा दिल्ली दिग्विजय वीर महादजी शिंदे प्रतिष्ठान, महाराष्ट्र राज्य तसेच अखिल भारतीय शिंदे सरकार परिवार भारत आणि सातारा जिल्हा शिवसेना अवजड वाहतूक सेना यांच्या वतीने महाराष्ट्राचे लाडके उपमुख्यमंत्री श्री Eknath Shinde यांचा साताऱ्यात भव्य सत्कार करण्यात आला.

या वेळी शिंदेशाही परंपरेनुसार उपमुख्यमंत्री शिंदे यांना पगडी, शाल आणि तलवार देऊन गौरविण्यात आले. या सत्कार सोहळ्याला कार्यकर्त्यांचा आणि नागरिकांचा मोठा उत्स्फूर्त प्रतिसाद मिळाला.

कार्यक्रमात विविध मान्यवरांची उपस्थिती होती. यावेळी बोलताना उपमुख्यमंत्री शिंदे यांनी विकासकामांवर भर देत राज्याच्या प्रगतीसाठी कटिबद्ध असल्याचे सांगितले. तसेच कार्यकर्त्यांनी दाखवलेल्या प्रेमाबद्दल त्यांनी आभार व्यक्त केले.

सातारा जिल्ह्यातील राजकीय वातावरणात या कार्यक्रमामुळे उत्साहाचे वातावरण निर्माण झाले असून, शिंदे समर्थकांमध्ये आनंदाचे वातावरण पाहायला मिळत आहे.

सातारा जिल्हा परिषद निवडणूक वाद चिघळला… एस.पी तुषार दोषी सक्तीच्या रजेवर… राजकारण तापलं!
साताऱ्यात जिल्हा परिषद अध्यक्षपदाच्या निवडणुकीदरम्यान झालेल्या गोंधळ प्रकरणात मोठी प्रशासकीय कारवाई करण्यात आली आहे. साताऱ्याचे पोलीस अधीक्षक तुषार दोषी यांना सक्तीच्या रजेवर पाठवण्यात आले असून, या निर्णयामुळे जिल्ह्यातील राजकीय वातावरण पुन्हा एकदा तापले आहे.
जिल्हा परिषद अध्यक्षपदाच्या निवडीवेळी मोठा गोंधळ उडाला होता. यावेळी पोलिसांकडून मंत्री शंभूराज देसाई यांना धक्काबुक्की झाल्याचा आरोप करण्यात आला. या घटनेनंतर देसाई यांनी थेट विधानसभेत हा मुद्दा उपस्थित करत पोलिसांवर तीव्र नाराजी व्यक्त केली.
या प्रकरणात शिवसेना आणि इतर आमदारांनी एस.पी तुषार दोषी यांच्या निलंबनाची मागणी केली होती. त्यानंतर प्रशासनाने चौकशी पूर्ण होईपर्यंत दोषी यांना सक्तीच्या रजेवर पाठवण्याचा निर्णय घेतला आहे.
दरम्यान, साताऱ्याच्या अतिरिक्त पोलीस अधीक्षक वैशाली कडुकर यांच्याकडे पोलीस अधीक्षक पदाची अतिरिक्त जबाबदारी सोपवण्यात आली आहे.या निवडणुकीदरम्यान राजकीय घडामोडींनाही वेग आला होता. भाजपने राष्ट्रवादी काँग्रेस आणि शिवसेनेच्या काही सदस्यांना आपल्या बाजूला वळवल्याचा आरोप करण्यात आला. तसेच राष्ट्रवादीचे सदस्य अनिल देसाई आणि संदीप मांडवे यांना मतदानापासून रोखण्यासाठी पोलिसांनी अटक केल्याचा मुद्दाही वादग्रस्त ठरला.

“एसपी घरगड्यासारखे वागले… त्यांच्यावर तात्काळ कारवाई झाली पाहिजे,” अशी जोरदार मागणी मंत्री शंभूराज देसाई यांनी विधानसभेत केली होती.
दरम्यान, ४ एप्रिल रोजी जिल्हा परिषद समित्यांच्या अध्यक्षपदासाठी निवडणुका होणार आहेत. त्याआधीच झालेल्या या कारवाईमुळे साताऱ्यातील राजकारण आणखी तापण्याची शक्यता व्यक्त केली जात आहे.

सातारा जिल्हा परिषदेत पुन्हा एकदा सत्तासंघर्ष पेटण्याची शक्यता निर्माण झाली आहे. अध्यक्ष-उपाध्यक्ष निवडीनंतर आता सर्वांचे लक्ष लागले आहे.चार सभापती पदांच्या निवडीकडे… आणि या निवडणुकीत पुन्हा ‘ऑपरेशन लोटस’ चर्चेत आले आहे.७ फेब्रुवारीला झालेल्या निवडणुकीत कोणत्याही एकाही पक्षाला स्पष्ट बहुमत मिळाले नव्हते. भाजपला २७, राष्ट्रवादीला २० तर शिंदेसेनेला १५ जागा मिळाल्या. बहुमतासाठी आवश्यक असलेल्या ३३ सदस्यांच्या आकड्यापासून सर्वच पक्ष दूर होते.

याच पार्श्वभूमीवर राष्ट्रवादी आणि शिंदेसेना एकत्र येऊन सत्ता स्थापनेची तयारी करत असताना, भाजपने ‘ऑपरेशन लोटस’ राबवत काही सदस्यांची साथ मिळवली… आणि सत्ता आपल्या बाजूने वळवली.

आता पुन्हा एकदा तसाच सत्तासंघर्ष सभापती निवडीच्या निमित्ताने पाहायला मिळणार का? हा मोठा प्रश्न उपस्थित होत आहे. ४ एप्रिलला महिला व बालकल्याण, समाजकल्याण आणि इतर दोन विषय समित्यांच्या सभापतींची निवड होणार आहे. यासाठी सकाळी १० ते दुपारी १२ या वेळेत नामनिर्देशनपत्रे स्वीकारली जाणार आहेत.गरज भासल्यास दुपारी मतदान होणार असून, या वेळी सदस्यांना हात उंचावून मतदान करावे लागणार आहे. त्यामुळे कोण कोणाच्या बाजूने उभा राहतो, याकडे सर्वांचे लक्ष लागले आहे.

दरम्यान, भाजप पुन्हा ‘ऑपरेशन लोटस’च्या तयारीत असल्याची चर्चा आहे… तर राष्ट्रवादी आणि शिंदेसेना भाजपला रोखण्यासाठी रणनीती आखत आहेत. त्यामुळे साताऱ्यातील ही निवडणूक ‘हाय टेन्शन’ ठरण्याची शक्यता नाकारता येत नाही.

सातारा जिल्हा परिषद अध्यक्ष-उपाध्यक्ष निवडणुकीदरम्यान झालेल्या धक्काबुक्कीचे पडसाद आता थेट विधान परिषदेत उमटले आहेत. या प्रकरणावरून राज्याच्या राजकारणात मोठी खडाजंगी पाहायला मिळत आहे.

शिंदे गटाचे मंत्री शंभूराज देसाई यांना झालेल्या धक्काबुक्कीनंतर शिवसेना आणि राष्ट्रवादी काँग्रेसच्या आमदारांनी आक्रमक भूमिका घेत, साताऱ्याचे पोलिस अधीक्षक तुषार दोषी यांच्यासह संबंधित अधिकाऱ्यांवर कारवाईची मागणी केली.

सदस्यांच्या मागणीची दखल घेत विधान परिषद उपसभापती डॉ. नीलम गोऱ्हे यांनी थेट तीन पोलिस अधिकाऱ्यांच्या निलंबनाचे आदेश दिले. मात्र, या निर्णयाने सभागृहात नव्या वादाला तोंड फुटले.भाजपचे मंत्री जयकुमार गोरे आणि गटनेते प्रवीण दरेकर यांनी या निर्णयाला कडाडून विरोध करत, शिंदे गटाच्या मंत्र्यांच्या वर्तनावरच प्रश्नचिन्ह उपस्थित केले.वाढत्या वादाच्या पार्श्वभूमीवर सभापती राम शिंदे यांनी उपसभापतींचा निर्णय राखून ठेवत परिस्थिती नियंत्रणात आणण्याचा प्रयत्न केला.

दरम्यान, साताऱ्यातील या ऐतिहासिक राड्यानंतर घेतलेल्या आक्रमक भूमिकेचे पडसाद थेट विधान भवनात उमटले. साताऱ्याच्या प्रतिमेवर झालेल्या परिणामामुळे राजकीय वातावरण अधिकच तापले आहे.साताऱ्यातील या घटनेमुळे राज्यातील राजकारण आणखी ढवळून निघण्याची चिन्हे दिसत आहेत.

पुढे या प्रकरणात काय घडामोडी होतात, याकडे सर्वांचे लक्ष लागले आहे.

सातारा राजकारणाचा सर्वात मोठा स्फोट झाला आहे ! जिल्हा परिषद अध्यक्ष आणि उपाध्यक्षपदाच्या निवडणुकीत भाजपने ‘ऑपरेशन लोटस’ राबवत सत्ता अक्षरशः खेचून आणली आहे. राष्ट्रवादीचे तीन आणि शिंदेसेनेचे दोन सदस्य फोडत भाजपने बहुमताचा आकडा गाठला आणि सत्तेवर कब्जा केला.
सातारा जिल्हा परिषदेत एकूण ६५ जागा आहेत. निकालानंतर भाजप २७, राष्ट्रवादी २०, शिंदेसेना १५, तर काँग्रेस आणि स्वाभिमानी शेतकरी संघटना प्रत्येकी १ जागेवर विजयी झाले होते. एक अपक्ष सदस्य भाजपच्या बाजूने गेला होता. तरीही भाजपला सत्ता स्थापनेसाठी पाच सदस्यांची गरज होती. दुसरीकडे राष्ट्रवादी आणि शिंदेसेनेने एकत्र येत ३५ सदस्यांचे बहुमत तयार केले होते. ‘ऑपरेशन लोटस’च्या भीतीने त्यांनी आपल्या सदस्यांना महिनाभर सहलीवर नेले होते.
शुक्रवारी दुपारी १२:३० वाजता सर्व सदस्य ट्रॅव्हल्समधून थेट जिल्हा परिषदेत दाखल झाले. परिसरात प्रचंड पोलिस बंदोबस्त ठेवण्यात आला होता. वातावरण पूर्णपणे तणावपूर्ण होते.
दरम्यान, गुरुवार रात्रीपासूनच भाजपने रणनीती आखत राष्ट्रवादी आणि शिंदेसेनेचे सदस्य फोडण्याचे प्रयत्न सुरू केले. अखेर पाच सदस्य भाजपच्या गळाला लागले आणि सत्तेचा गेम पूर्णपणे बदलला.
अध्यक्षपदी भाजपच्या प्रिया शिंदे विजयी – ३३ मते
उपाध्यक्षपदी राजू भोसले विजयी – ३३ मते विरोधी उमेदवारांना ३० मतांवर समाधान
या निवडणुकीत एक मोठा ट्विस्ट म्हणजे – कोरेगावचे शिंदेसेनेचे आमदार महेश शिंदे यांच्या पत्नी प्रिया शिंदे या भाजपच्या तिकिटावर अध्यक्ष बनल्या.

मतदाना आधीच राष्ट्रवादीचे सदस्य अनिल देसाई आणि संदीप मांडवे यांना पोलिसांनी ताब्यात घेतले. वाई पोलिस ठाण्यातील तक्रारीच्या पार्श्वभूमीवर ही कारवाई करण्यात आली. त्यामुळे त्यांना मतदान करता आले नाही आणि याचा थेट परिणाम निकालावर झाला. निवडणुकीदरम्यान सभागृहात मोठा गोंधळ झाला. पालकमंत्री शंभूराज देसाई आणि मंत्री शिवेंद्रसिंहराजे भोसले यांच्यात जोरदार बाचाबाची झाली. वातावरण इतकं तापलं की धक्काबुक्कीपर्यंत परिस्थिती गेल्याचं सांगितलं जात आहे.

याच गोंधळात पालकमंत्री देसाई यांच्या हाताला दुखापत झाली. त्यांना बीपीचा त्रासही जाणवू लागला आणि तातडीने डॉक्टरांना पाचारण करण्यात आले. त्यांच्या हाताला ड्रेसिंग करण्यात आलं.
साताऱ्यातील या नाट्यमय घडामोडींमुळे राज्याच्या राजकारणात मोठी खळबळ उडाली आहे. ‘ऑपरेशन लोटस’ पुन्हा एकदा यशस्वी ठरलं आहे का? आणि याचे पुढील राजकीय परिणाम काय होणार? याकडे आता संपूर्ण राज्याचं लक्ष लागलं आहे.

साताऱ्यात सत्तासंघर्ष पेटला ! राष्ट्रवादी काँग्रेस आणि शिवसेना एकत्र आल्याने राजकीय समीकरणांमध्ये मोठी उलथापालथ झाली आहे. भाजपवर दबाव टाकल्याचे गंभीर आरोप करण्यात आले आहेत.
सातारा जिल्हा परिषद निवडणुकीच्या पार्श्वभूमीवर राजकीय हालचालींना वेग आला आहे. राष्ट्रवादी काँग्रेसने सुरुवातीला भाजपसोबत हातमिळवणी करण्याचा प्रस्ताव दिला होता. मात्र भाजपकडून कोणताही सकारात्मक प्रतिसाद न मिळाल्याने शिवसेना – राष्ट्रवादीने आता नवा पर्याय स्वीकारला आहे.
आता राष्ट्रवादी आणि शिवसेना यांनी एकत्र येत जिल्हा परिषद अध्यक्ष आणि उपाध्यक्ष पदासाठी अर्ज दाखल केले आहेत. त्यामुळे साताऱ्यात नव्या राजकीय युतीची चर्चा रंगू लागली आहे.

दरम्यान, राष्ट्रवादीचे खासदार नितीन पाटील यांनी भाजपवर गंभीर आरोप केले :-

भाजप आमच्या सदस्यांवर दबाव टाकत असून दोन सदस्यांना आपल्या गोटात ओढल्याचा आरोप त्यांनी केला आहे. तसेच काही सदस्यांविरोधात पोलिस ठाण्यात तक्रारी दाखल केल्याचाही दावा करण्यात आला आहे.

या सर्व घडामोडींमुळे साताऱ्यातील राजकारण चांगलेच तापले आहे. आगामी काळात सत्तासमीकरण आणखी बदलण्याची शक्यता राजकीय वर्तुळात व्यक्त केली जात आहे.

साताऱ्याच्या राजकारणात मोठा ट्विस्ट 20 मार्चची डेडलाईन जाहीर होताच.सत्तेच्या समीकरणांना वेग आला आहे.सातारा जिल्हा परिषदेमध्ये राष्ट्रवादी आणि शिवसेना एकत्र येऊन सत्ता स्थापन करणार असा अजित पवार गटाचे जिल्हाध्यक्ष बाळासाहेब सोळसकर यांनी थेट सभेत जाहीर केलं.

जिल्हा परिषद अध्यक्ष राष्ट्रवादीचाच होणार असा दावा देखील त्यांनी केला आहे.. मंत्री शंभूराज देसाई आणि मंत्री मकरंद पाटील एकदिलाने सोबत आहेत… त्यामुळे अध्यक्षपदावर राष्ट्रवादीचाच झेंडा फडकणार.दरम्यान, मंत्री जयकुमार गोरे यांनी या आधी भाजपचाच अध्यक्ष होईल असा दावा केला होता.

यावर त्यांनी टीका केली आहे. असं कोण पण टीव्ही वर काय पण बोलतात.मात्र राष्ट्रवादीच्या जिल्हाअध्यक्ष बाळासाहेब सोळसकर यांनी केलेल्या आक्रमक घोषणेनंतर साताऱ्यातील राजकीय वातावरण चांगलंच तापलं आहे.

20 मार्चच्या आधी नेमकं कोणाचं पारडं जड ठरणार?

साताऱ्याची सत्ता कोणाच्या हाती जाणार? सत्तेच्या या थरारक लढतीकडे संपूर्ण जिल्ह्याचं लक्ष लागलं आहे.

सत्तेच्या या थरारक लढतीकडे संपूर्ण जिल्ह्याचं लक्ष लागलं आहे.

सातारा जिल्ह्यातील कायदा आणि सुव्यवस्था अतिशय चांगल्या स्थितीत असून, मुंबईत बसून याबाबत चिंता व्यक्त करण्याची गरज नाही, असा टोला पालकमंत्री शंभूराज देसाई यांनी शिवसेना (उद्धव बाळासाहेब ठाकरे) नेत्या सुषमा अंधारे यांना लगावला.

कराड येथे मंगळवारी नगरपालिकेत आढावा बैठक घेतल्यानंतर पालकमंत्री देसाई यांनी माध्यमांशी संवाद साधला. यावेळी माजी आमदार बाळासाहेब पाटील आणि नगराध्यक्ष राजेंद्रसिंह यादव उपस्थित होते.पालकमंत्री देसाई म्हणाले, “आम्ही साताऱ्याच्या जनतेत सातत्याने असतो. त्यामुळे जिल्ह्याच्या कायदा सुव्यवस्थेची नेमकी माहिती आम्हालाच आहे. उगाच मुंबईत बसून सुषमा अंधारे यांनी साताऱ्याबाबत चिंता करू नये.”

कराड नगरपालिकेला निधी कमी पडू देणार नाही :-

कराड पालिका निवडणूक प्रचारादरम्यान दिलेला शब्द पाळत आज आढावा बैठक घेतली असल्याचे देसाईंनी सांगितले.
“कराडकरांनी आमच्या पक्षाच्या राजेंद्रसिंह यादव यांना नगराध्यक्षपदी निवडून दिले. याआधी मंजूर केलेल्या निधीतून सुरू असलेल्या कामांचा आढावा घेतला असून आवश्यक त्या सूचना दिल्या आहेत,” असे त्यांनी स्पष्ट केले.

भाजप नगरसेवकांना बैठकीचे निमंत्रण नव्हते, या प्रश्नावर देसाई म्हणाले,“ही केवळ प्रशासकीय अधिकाऱ्यांची आढावा बैठक होती. त्यामुळे कोणत्याही नगरसेवकांना व्यक्तिगत निमंत्रण दिले गेले नव्हते.”

अंधारे-राऊतांवर टीका : –

एकनाथ शिंदे यांच्यावर संजय राऊत यांनी केलेल्या टीकेवर मंत्री शंभूराज देसाई म्हणाले,
“अंधारे आणि राऊत हे भाऊ-बहिणीसारखे आहेत. त्यांनी टीका करण्यापेक्षा आपली शिवसेना कितव्या क्रमांकावर आहे हे तपासावे.”

ड्रग्ज प्रकरणाशी शिंदे कुटुंबाचा संबंध नाही :-

सातारा जिल्ह्यातील ड्रग्ज प्रकरणावर बोलताना देसाई यांनी स्पष्ट केले की,
“त्या ड्रग्ज प्रकरणाशी एकनाथ शिंदे किंवा त्यांच्या कुटुंबीयांचा कोणताही संबंध नाही. पोलिस याप्रकरणी सखोल तपास करत आहेत.”

जिल्हा परिषद पंचायत समितीच्या तोंडावर भाजपच्या पाटणकर गटातील सरपंच संघाचे उपाध्यक्ष संदीप जाधव यांच्यासह पदाधिकारी सरपंच,उपसरपंच आणि 400 कार्यकर्त्यांचा शंभूराज देसाई यांच्या उपस्थितीत तसेच, भाजपचे सत्यजित पाटणकर यांच्या गटाला मोठा धक्का, पाटणकर गटातील शेकडो कार्यकर्त्यांचा शिवसेनेत प्रवेश केला आहे.

सातारा जिल्ह्यातील पाटण तालुक्यामध्ये पंचायत समिती जिल्हा परिषद निवडणुकीच्या तोंडावर मोठे पक्षप्रवेश शिवसेनेत होत आहेत. पाटण तालुक्यातील ढेबेवाडी विभागातील सरपंच संघाचे उपाध्यक्ष संदीप जाधव यांच्यासह भाजपच्या पाटणकरांचे सरपंच, उपसरपंच पदाधिकारी 400 कार्यकर्त्यांसह त्यामध्ये महिला कार्यकर्त्या सुद्धा उपस्थितीत होत्या. यावेळी मंत्री शंभुराज देसाई यांच्या उपस्थितीत शिवसेनेत प्रवेश केला. तसेच जिल्हा परिषद पंचायत समिती निवडणुकीच्या अनुषंगाने पाटण ढेबेवाडी येथे कार्यकर्ते संवाद मेळावा घेण्यात आला.

यावेळी मंत्री शंभूराज देसाई बोलताना म्हणाले की,

“भाजपमध्ये गेलेल्या पाटणकरांच्या कार्यपद्धतीला कंटाळून व शिवसेनेकडून सुरू असलेल्या विकासकामाने प्रभावित होऊन शेकडोंच्या संख्येत कार्यकर्ते पदाधिकारी शिवसेनेत येत आहेत.”

या पक्षप्रवेशामुळे पाटण तालुक्यातील आगामी निवडणुकीमध्ये निर्णायक ताकद आपणास मिळेल तसेच, शिवसेनेचा ग्रामीण भागातील प्रभाव अधिक मजबूत होत असल्याचे चित्र दिसून येत आहे.

कराड येथे स्वर्गीय यशवंतराव चव्हाण कृषी औद्योगिक व पशुपक्षी प्रदर्शनाच्या उद्घाटनासाठी राष्ट्रवादीचे कृषिमंत्री दत्तात्रय भरणे व मदत पुनर्वसन मंत्री मकरंद आबा पाटील यांच्यासह पालकमंत्री शंभूराज देसाई यांना निमंत्रण देण्यात आले होते. मात्र यावेळी उद्घाटनासाठी उपस्थित असलेले पालकमंत्री शंभूराज देसाई यांनी गाडीतून उतरताच राष्ट्रवादी काँग्रेसवर खोचक टोला लगावला.

“अहो, कुठे आहेत राष्ट्रवादीचे मंत्री? एकही मंत्री नाही… शेवटी शिवसेनाच उपयोगी पडली,” असे म्हणत त्यांनी राष्ट्रवादी काँग्रेसचे नेते अ‍ॅड. उदयसिंह पाटील उंडाळकर यांच्यावर लगावला.

स्वर्गीय यशवंतराव चव्हाण कृषी औद्योगिक व पशुपक्षी प्रदर्शनाच्या उद्घाटन कार्यक्रमात आज राजकीय वादाला तोंड फुटले आहे. या वक्तव्यामुळे कार्यक्रमस्थळी उपस्थित असलेल्या कार्यकर्त्यांमध्ये चर्चा निर्माण झाली असून, कराडच्या राजकीय वर्तुळात चर्चांना उधाण आले आहे.
उद्घाटनाच्या झालेल्या या टोलेबाजीमुळे महायुतीतील अंतर्गत मतभेद पुन्हा एकदा उघड झाले असल्याचे चित्र दिसत आहे.

दरम्यान, राष्ट्रवादी काँग्रेसकडून या अनुपस्थितीबाबत अद्याप कोणतीही अधिकृत प्रतिक्रिया देण्यात आलेली नाही.
या प्रकारामुळे राजकीय घडामोडींवर याचा नेमका काय परिणाम होणार, याकडे सर्वांचे लक्ष लागले आहे.